Россия терма жамоасининг собиқ ҳужумчиси Дмитрий Булыкин Озарбайжоннинг «Қарабоғ» клубини жорий УЕФА Чемпионлар лигаси мавсумининг энг катта кашфиёти сифатида эътироф этди. Бу ҳақда euro-football.ru хабар беради.
Булыкин фикрича, жамоанинг асосий қуроли — ўта юқори фидойилик. «Қарабоғ»нинг муваффақият сири кўпчилик учун номаълум, рақиблар эса уларга етарлича жиддий тайёргарлик кўрмаслиги фонида озарбайжонликлар очколар жамғараб бормоқда», — дея унинг сўзларини «Gazeta.Ru» келтирди.
Эслатиб ўтамиз, умумий босқичнинг 8-тури олдидан «Қарабоғ» 10 очко билан 18-ўринда бормоқда. Шу билан бирга, 25-ўриндан фарқ атиги икки очкони ташкил этади. Ҳал қилувчи учрашувда «Қарабоғ» сафарда «Ливерпул»га қарши майдонга тушади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
