"Барселона" бош мураббийи Ханс-Дитер Флик "Мальорка"га қарши учрашувда (3:0) Ламин Ямалнинг ўйини юзасидан фикр билдирди. Бу ҳақда euro-football.ru хабар беради.
18 ёшли қанот ҳужумчиси 61-дақиқада гол уриб, ҳисобни 2:0 кўринишига келтирди. 78-дақиқада эса у Руни Бардгжи билан алмаштирилди. Орадан кўп ўтмай каталонияликлар Марк Берналнинг голи билан учинчи бор рақиб дарвозасини ишғол қилди.
Фликнинг таъкидлашича, Ямал биринчи бўлимда унчалик яхши кўринмаган, танаффусдан кейин эса анча фаол ва ишончли ўйнаган. Мураббий Ламин ўйиндан завқланаётганини айтиб, уни алмаштиришга сабаб сифатида пайшанба куни навбатдаги ўйин борлигини кўрсатди.
12-февраль куни "кўк-анорранглилар" Испания Кубоги ярим финалидаги икки ўйиндан иборат қарама-қаршиликнинг илк баҳсида Мадриднинг "Атлетико" жамоасига сафардa қарши майдонга тушади.
“Zamin”ни Telegram'да ўқинг!
