ЖЧ-2026. Немислар Парагвай тўсиғи ва «ўлим тўри» қаршисида...

2 дақиқа ўқиш158
ЖЧ-2026. Немислар Парагвай тўсиғи ва «ўлим тўри» қаршисида...
ҚисқачаAI ёрдамида тайёрланганКўрсатиш
  • Жаҳон чемпионатининг 1/16 финал босқичида Германия ва Парагвай терма жамоалари АҚШнинг Фоксборо шаҳридаги «Гиллетте Стадиум»да ўзаро баҳс олиб боради.
  • Ушбу учрашувда юлдуз футболчилари ўз имкониятлари даражасида ўйнамаётган ва асосий ҳимоячи Нико Шлоттербек жароҳат олган Германия терма жамоаси фаворит сифатида кўрсатилмоқда.

Жаҳон чемпионатининг плей-офф (1/16 финал) баҳслари қизғин палласига кирди. Бугун ва оқшомда мухлисларни учта супер тўқнашув кутиб турибди: Бразилия–Япония, Германия–Парагвай ва Нидерландия–Марокаш.

Улар орасида энг кўп саволлар ва кутилмаган сценарийларни ваъда қилаётгани — АҚШнинг Фоксборо шаҳридаги «Gillette Stadium»да кечадиган Германия ва Парагвай ўртасидаги учрашувдир.

Ўйин тақвими ва тафсилотлари:

Баҳс

Сана ва вақт (Тошкент в.)

Стадион

Жуфтлик фаворити

Германия — Парагвай

30 июнь, 01:30

Gillette Stadium (Фоксборо)

Германия

Муаммолар гирдобидаги Германия: Ҳужум ҳам, ҳимоя ҳам оқсамоқда

Юлиан Нагельсманн шогирдлари ўз гуруҳида биринчи ўринни олиб, сўнгги учта мундиалдаги омадсизликка чек қўйди ва ниҳоят плей-оффга йўл олди. Бироқ «Бундестим»нинг кўрсатаётган ўйини мухлисларда катта хавотир уйғотмоқда:

  • Ҳимоядаги оғир йўқотиш: Ҳам ҳимояда, ҳам ҳужумларни бошлашда жамоага катта ёрдам берадиган асосий ҳимоячи Нико Шлоттербек жароҳат олиб, сафдан чиқди. Таркибда унинг ўрнини муносиб ёпа оладиган футболчи деярлик йўқ.

  • Ҳужум чизиғининг «уйқуси»: Кай Хаверц, Флориан Вирц ва Джамал Мусиала каби Европа грандлари етакчилари ҳали ҳам ўз имкониятлари даражасида ўйнай олишмаяпти.

  • Захирадан чиққан тўпурар: Жамоанинг турнирдаги энг хавфли қуроли — мусобақага захира вакили сифатида олиб келинган Дениз Ундав бўлиб турибди. Асосий юлдузлар жим турганда, юк захира ўйинчисига тушаётгани кўп нарсадан далолат беради.

Жанубий Америка девори: Парагвай осонликча таслим бўлмайди

Парагвай гуруҳдан учинчи ўрин билан зўрға чиққан бўлса-да, жанубий америкаликларни камситиш немислар учун ҳалокатли хато бўлиши мумкин. Илк турда АҚШдан учралган 1:4 ҳисобидаги мағлубиятдан сўнг жамоа тез фурсатда ўзини тиклаб олди ва кейинги икки ўйинда ўз дарвозаси дахлсизлигини сақлади.

Мудофаа мустаҳкамлиги: Парагвайликлар ЖЧ саралаш босқичидаги 18 та ўйинда бор-йўғи 10 та гол ўтказиб, Жанубий Америкада Эквадордан кейинги энг яхши натижани қайд этишган эди. Кубас, Гомес ва Альдеретедан иборат ишончли ҳимоя учлиги ўйин темпини туширишни, рақибни асабийлаштиришни ва сабр билан ҳисобни ушлашни жуда яхши билади. Бу деворни бузиш учун немислардан янгича ғоялар талаб этилади.

Германияни кутаётган «Дўзах йўлаги»

Немислар ушбу баҳсда фаворит ҳисобланса-да, улар нафақат Парагвайни енгиши, балки ўз ўйинларини сифат жиҳатидан кескин кучайтиришлари шарт. Чунки турнир сеткаси уларга шафқат қилмаган ва кейинги босқичларда ҳақиқий «ўлим тўри» кутмоқда:

  1. 1/8 финалда: Амалдаги жаҳон чемпиони Франция кутаётган бўлиши мумкин.

  2. Чорак финалда (1/4): Катта эҳтимол билан кучли Нидерландия.

  3. Ярим финалда (1/2): Мусобақанинг энг асосий даъвогари — даҳшатли Испания.

Хуллас, Нагельсманн жамоаси учун ҳақиқий имтиҳон айнан шу тунда бошланади. «Бундестим» тез фурсатда ўз максимумига чиқмаса, мундиал билан эрта хайрлашиши ҳеч гап эмас.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?