07:03 / 18.10.2018
1 953

Лео - «ваҳший» ва Ла лиганинг энг яхши футболчиси

Лео - «ваҳший» ва Ла лиганинг энг яхши футболчиси
«Манчестер Сити» бош мураббийи Хосеп Гвардиола «Барселона»да ишлаган даврини эсга олди ва ҳужумчи Лионель Месси ҳақидаги фикрлари билан ўртоқлашди. «Барселона»ни соғинч билан эслайман, бу ажойиб тажриба, ҳаётда бир марта юз берадиган воқеага ўхшаш эди.

Месси ҳақида гапирадиган бўлсам, у табиатан одамови ва курашга чанқоқ «ваҳший». Бу эса унинг жамоадошларига янада яхшироқўйнаш учун мотивация беради. Лео мағлуб бўлишни ёмон кўради, худди ёш боладай ўйнайди, агар шериклари унга кўмаклашса, ўйин тақдирини ҳал қила олади», - деди Гвардиола.

Айтганча, ЛаЛига расмий сайти Испания чемпионатининг сентябрь ойидаги энг яхши футболчиси номини эълон қилди. Ушбу совринни "Барселона" ҳужумчиси Лионель Месси қўлга киритди. Аргентиналик форвард сентябрь ойида ЛаЛиганинг 5та учрашувида майдонга тушиб, 3та гол урди ва 4та голли пас берди. "Барселона" ушбу 5та ўйиннинг 2тасида ғалабага эришди, 2та дуранг қайд этди ва 1та баҳсни мағлубият билан якунлади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)