04:53 / 21.04.2021
1 638

"Пахтакор" мураббийи йирик ҳисобдаги мағлубиятга қандай изоҳ берди?

"Пахтакор" мураббийи йирик ҳисобдаги мағлубиятга қандай изоҳ берди?

Осиё Чемпионлар Лигаси 3-туридан ўрин олган "Шаржа" - "Пахтакор" учрашуви ўз якунига етди. Унда майдон эгалари 4:1 ҳисобида ғалаба қозонди. Ўйиндан кейин "шерлар" бош мураббийи Питер Хюистра ўйин ҳақижаги фикрлари билан ўртоқлашди:

"Биз учун ёмон натижа. Рақибдан бир футболчи ўйин тақдирини ҳал қилди. Кайо барча ишни бажариб берди. Энди кейинги баҳс ҳақида ўйлашимиз керак. Гуруҳдаги ҳолатимиз жуда ёмонлашди. Энди фақат ғалабалар бизга ёрдам бериши мумкин.

Юқори савияли футболчилар кетиши таъсир қилади. Беллашувни ҳал қиладиган ўйинчиларнинг ўрнини тўлдириш қийин. Бизда Машарипов йўқ, энди ёшларни ўстиришга интиламиз. Улар шундай ўйинларда ўсиб боришади. Ўз кучимизга ишониб, навбатдаги баҳсга тетик ҳолда ҳозирлик кўришимиз зарур.

Рашидовнинг ҳолатини тўлиқроқ энди билиб оламиз. Умид қиламанки, у ҳали бизга ёрдам беради. "Шаржа" гуруҳда жуда яхши ҳолатда. Лекин жамоалар деярли яқин савияда ва ҳали барча нарса ўзгариб кетиши мумкин
", - дея нидерландиялик мутахассис сўзларини келтирмоқда "Пахтакор" матбуот хизмати.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » "Пахтакор" мураббийи йирик ҳисобдаги мағлубиятга қандай изоҳ берди?