Coca Cola Ўзбекистон кубоги 1/8 финалидан ўрин олган "Бунёдкор" ва "Навбаҳор" жамоалари ўртасидаги учрашувдан кейинги матбуот анжуманининг иккинчи қисмида "Бунёдкор" бош мураббийи Шуҳрат Мақсудов қатнашди.
"Бугун жанговар ўйин кўрдик, футболчиларимизга раҳмат айтмоқчиман. Барча ходимларимизга ҳам миннатдорчилик билдираман. Уч ойдан буён маош олмаяпмиз, клубдагилар ҳам ўйин ҳақида ўйлашяпти, ҳам бошқа харажатларни ўйлашяпти. Ҳомийимиз аввал жамоага таянч бўлиб, катта ёрдам бераётганди, эндиликда клубни ҳокимликка ўтказмоқчи бўлишди, жамоа қийин аҳволда қолди. Бугунги ўйин учун йигитларга раҳмат, "Навбаҳор"га эса кейинги ўйинларда омад тилайман.
Қайсидир жамоа кучли футболчиларни олиб келиб, уларга суянади. Мен эса ҳозирда фақат таркибимиздаги футболчиларга ишонч билдираман. Бугун айрим ёшларга маҳорат етишмади, бироқ ҳозирги авҳолимиз шунақа.
Йигитларга ҳисобни сақлаб қолиш учун кўрсатма бермагандим, албатта, натижа тўғрисида ҳам ўйлаймиз. Футболчиларга танаффусда "Навбаҳор" ютқазаётгани сабаб олдинга ўтади, шунга қарамай, энг яхши ҳимоя ҳужум эканлигини тушундирдик. Атайин ҳимояга ётиб олганимиз йўқ. Барча жамоалар қатори биз ҳам рақибни ўйиндан олдин ўрганамиз. Бусиз иложи йўқ. Жамоамизнинг бу йилги селекция ишлари кўнгилдагидек бўлмаган, шу боис, иложи борича мухлисларни хурсанд қилиш учун майдонга тушиб, ғалаба қозонишга интилишни хоҳлаймиз", — дейди "қалдирғочлар" мураббийи. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда
Қайси кундалик одатлар иммунитет пасайишига олиб келишини биласизми?
Лукашенко Ғарбга таҳдид билан чиқди
АҚШнинг Ғазодаги сиёсатидан норози Давлат департаменти расмийси истеъфога чиқди
Сариқми ёки яшил: қайси турдаги банан фойдалироқ?
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
