Фото: macrumours.com
Американинг Apple корпорацияси iOS 18 операцион тизимини чиқарди - янгиланишни аллақачон iPhone XS дан бошлаб барча смартфон эгалари юклаб олиши мумкин. Компания шунингдек, янгиланган iPadOS 18 ни ҳам чиқарди.
iOS 18 энди Android смартфонлари билан хабар, видео ва фотосурат алмашиш учун мўлжалланган RCS протоколини қўллаб-қувватлайди. Шунингдек, фойдаланувчилар матн териш индикаторини ҳам кўриши мумкин бўлади. iMessage янги форматлаш опциялари ва матн эффектлари, шунингдек, кечиктирилган жўнатмалар функциясига эга бўлди.
Бош экран учун мўлжалланган кенг кўламли созламалар пайдо бўлди - энди виджетлар ва дастур пиктограммаларининг ўлчамини, рангини ва жойлашувини ўзгартириш мумкин, шунингдек, блокировка экранини созлаш учун кўпроқ имкониятлар мавжуд. «Photos» иловаси бутунлай қайта ишлаб чиқилди.
Apple Intelligence сунъий интеллект функциялари ҳозирча мавжуд эмас, аммо октябр ойида iOS 18.1 чиқади ва унда ушбу функциялар чекланган тарзда жорий қилиниши мумкин. Шу билан бирга, тасвир яратиш, матн билан ишлаш воситалари такомиллаштирилади, шунингдек, Siri овозли ёрдамчиси янада ривожлантирилади.
IPadOS 18 тизимига фойдаланувчилар илтимосига кўра «Калкулятор» иловаси қўшилди. Шунингдек, Notes орқали энди математик масалаларни, жумладан диаграмма ва графиклардан фойдаланган ҳолда ечиш мумкин. Бундан ташқари, iPad бош экранини созлаш имкониятлари, шунингдек, қайта ишланган «Бошқариш маркази» ва ёрлиқлар панели жорий қилинди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Томоқ оғриғини антибиотикларсиз даволаш
Россия Харьковга авиабомбалар билан зарба берди
“Ҳизбуллоҳ” ва ҳусийлар Исроилга ракеталар учирди
Месси дубль қайд этди, лекин Роналдуга етишига анча бор...
Трампга навбатдаги “суиқасдга уриниш” содир бўлди
Хитой янги авлод палубали қирувчи самолётини синовдан ўтказишни бошлади
Гвардиола: “Манчестер Сити” ўйинчиларини кўргани кўзим йўқ...
Эрон Chamran-1 сунъий йўлдошини орбитага муваффақиятли чиқарди