Илон Маск 839 млрд доллар билан дунёнинг энг бой одамига айланди
"Forbes" нашрининг янгиланган рейтингига кўра, Илон Маск 839 миллиард доллар бойлик билан дунёнинг энг бой инсонлари рўйхатида катта фарқ билан пешқадамлик қилмоқда. Кучли бешликдан, шунингдек, Ларри Пейж, Сергей Брин, Жефф Безос ва Марк Цукерберг каби миллиардерлар жой олган. Бироқ, улкан маблағига қарамай, Маск хайрия ишларида энг сусткаш бойлардан бири бўлиб, муҳтожларга ўз бойлигининг атиги 0,06 фоизини сарфлаган. Ҳисоб-китобларга кўра, унинг хайрия жамғармаларига ўтказган маблағларининг асосий қисми ҳали ҳам ҳаракатсиз ётибди.
"Forbes" нашри дунёнинг энг бой одамлари рейтингини янгилади. Рўйхатда Илон Маск 839 млрд доллар бойлик билан катта фарқ билан пешқадамлик қилмоқда. Бу ҳақда Ixbt.com хабар беради.
Ундан кейинги ўринларни Ларри Пейж (257 млрд), Сергей Брин (237 млрд), Жефф Безос (224 млрд) ва Марк Цукерберг (222 млрд) эгаллади. Дунёнинг энг бой беш кишисининг умумий маблағи 1,8 трлн долларга яқинлашмоқда.
Тадқиқот натижаларига кўра, Маск сайёрадаги энг бой инсон бўлишига қарамай, хайрия масаласида энг сусткаш миллиардерлар қаторига киради. У ўзининг хайрия жамғармаларига 8,5 млрд доллар миқдоридаги "Tesla" акцияларини ўтказган бўлса-да, бу маблағларнинг деярли барчаси ҳали ҳам ҳаракатсиз ётибди.
Ҳисоб-китобларга кўра, Маск ўзининг улкан бойлигидан атиги 500 млн долларини ёки умумий маблағининг 0,06 фоизини муҳтожларга тарқатган. Бу кўрсаткич уни дунёдаги энг кам хайрия қилувчи миллиардерлардан бирига айлантирмоқда.
Изоҳлар 0
…