Миллиардер Илон Маск OpenAI компаниясига қарши очилган суд жараёнида Google асосчиларидан бири Ларри Пейж билан бўлган муносабатлари ҳақида гапириб берди. Маскнинг сўзларига кўра, сунъий интеллект хавфсизлиги масаласидаги келишмовчилик уларнинг узоқ йиллик дўстлигига нуқта қўйган. Бу ҳақда Techcrunch.com хабар беради.
Судда берилган кўрсатмаларга кўра, Маск сунъий интеллект инсониятни йўқ қилиб юбориши мумкинлиги ҳақида хавотир билдирганида, Пейж бунга бефарқлик билан жавоб қайтарган. Пейж сунъий интеллектнинг омон қолиши инсониятдан муҳимроқ эканини таъкидлаб, Маскни «турларни ажратувчи» деб атаган.
Илон Маск ушбу ёндашувни «ақлдан озиш» деб баҳолаган ва айнан шу воқеа OpenAI компаниясига асос солиш учун асосий туртки бўлганини маълум қилди. Илгари бу икки тадбиркор жуда яқин дўст бўлган ва Маск тез-тез Пейжнинг уйида тунаб қолган.
Дўстлик 2015 йилда Маск Google мутахассиси Илья Сутскеверни янги лойиҳага жалб қилганидан сўнг бутунлай узилган. Пейж буни шахсий хиёнат деб қабул қилган ва Маск билан алоқаларни тўхтатган.
Маск аввалроқ берган интервюларида ушбу муносабатларни тиклашни хоҳлашини билдирган эди.
“Zamin”ни Telegram'да ўқинг!
