Обунани бекор қилиш қийинлашади: Android иловалар арзонроқ тарифлар таклиф этади

Google компанияси Google Play Сторе обуналарини бошқариш API тизимини янгилади. Эндиликда дастурчилар фойдаланувчи сервис обунасини бекор қилмоқчи бўлганида, унга арзонроқ тариф режаларини таклиф қилиш имкониятига эга бўладилар. Бу ҳақда Ixbt.com хабар беради.

Агар фойдаланувчи илованинг пуллик обунасидан воз кечишга қарор қилса, тизим унга автоматик равишда пастроқ нархдаги муқобил вариантларни ёки вақтинчалик чегирмаларни кўрсатади. Бу усул орқали Google дастурчиларга ўз аудиториясини сақлаб қолиш учун қўшимча восита тақдим этмоқда.

Дастурчиларнинг таъкидлашича, обунани бекор қилиш жараёнининг ўзи содда ва тушунарли бўлиб қолаверади. Фойдаланувчи аввалгидек обунани бутунлай тўхтатиш тугмасини осонликча топиши мумкин. Янги функция шунчаки динамик тарзда ҳамёнбоп таклифларни чиқаришга хизмат қилади.

Гарчи баъзи фойдаланувчилар буни обунадан воз кечиш жараёнини мураккаблаштиришга уриниш деб қабул қилишса-да, амалиётда ўзгаришлар минимал даражада. Фойдаланувчи бекор қилишни тасдиқлаш учун стандарт опсияларни кўради, бироқ энди унга танлаш учун муқобил нархлар ҳам таклиф этилади.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг