Volvo Cars kompaniyasi EX30 SUV rusumidagi 40 323 ta elektromobilni texnik nosozlik sababli qaytarib olmoqda, deb Reuters xabar berdi. Qayd etilishicha, qaror akkumulyator batareyalarining qizib ketishi ehtimoli bilan bog‘liq.
Ishlab chiqaruvchi kompaniya ehtiyot qismlarni bepul almashtirish ishlarini boshlashidan avval ushbu model egalariga batareyani 70 foizdan ortiq quvvatlamaslikni tavsiya qilgan. Bu chora ehtimoliy xavfni kamaytirish maqsadida qo‘llanmoqda.
Mutaxassislar fikricha, ommaviy chaqirib olish jarayoni brend imijiga salbiy ta’sir ko‘rsatishi mumkin. Shuningdek, yangi batareyalar qiymati taxminan 195 mln dollarga baholanmoqda, bu esa kompaniya uchun katta moliyaviy yuk bo‘lishi aytilmoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
