21:10 / 02.05.2022

Urushning 67-kuni: Donbassda janglar davom etmoqda. Kiyev viloyatida bolalar halok bo‘lgan ota-onalarini dafn qilmoqda

Ukrainada urush boshlanganiga oltmish yetti kun to‘ldi. Donbassda janglar davom etmoqda. AQSH Kongressining Vakillar palatasi spikeri Nensi Pelosi Kiyevga tashrif buyurib, Ukrainani qo‘llab-quvvatladi. Mariupoldagi «Azovstal» zavodi hududini tark etganlar evakuatsiya punktlarida oilasi bilan uchrashmoqda. Kiyev viloyatidagi bolalar halok bo‘lgan ota-onalarini dafn etishmoqda. Meduza urushga oid 1 may suratlarini jamladi.

Kiyev va Kiyev viloyati

^{10 yoshli bola Irpenning o‘qqa tutilishi paytida halok bo‘lgan otasining qabri yonida turibdi.
Foto: Reuters}

^{Ukraina prezidenti Vladimir Zelenskiy va AQSH Kongressining Vakillar palatasi spikeri Nensi Pelosi bilan. Pelosi urush boshidan beri Ukrainaga tashrif buyurgan eng yuqori martabali amerikalik siyosatchi bo‘ldi. Zelenskiy spikerga tashrif uchun minnatdorchilik bildirib, buni «AQSH tomonidan kuchli qo‘llab-quvvatlanish belgisi» deb atadi.
Foto: Ukraina prezidenti matbuot xizmati}
Mariupol

^{Mariupoldan evakuatsiya qilingan «Azovstal» xodimi o‘g‘li bilan ko‘rishmoqda. O‘smir qarindoshlari bilan shaharni avvalroq tark etgandi.
Foto: Reuters}
Donbass shimoli

^{Rubijnoy shahridagi ishdan chiqarilgan mashina. Ukraina Qurolli kuchlariga ko‘ra, 2 may kuni «dushmanning asosiy harakatlari shaharni to‘liq nazoratga olishga yo‘naltiriladi».
Foto: «TASS»}

^{Slavyanskda yashovchi 78 yoshli ayol yerto‘lasida murabbo solingan bankani olmoqda. Tashqarida shahar uchun janglar davom etmoqda.
Foto: AFP}
Xarkov viloyati

^{Xarkov viloyatidagi qishloqda yashovchi kishi bomba boshpanasiga aylangan yerto‘lada turibdi.
Foto: AP Photo}

^{Ukrainalik askarlar tankni ta’mirlamoqda.
Foto: Reuters}
Zaparoje

^{Zaporojelik temirchi ustaxonasida o‘q o‘tkazmaydigan zirhlar yasamoqda. Urushdan oldin u hamkasbi bilan birga zirh va qilich yasardi.
Foto: AFP}

^{O‘qqa chidamli plastinlarni sinovdan o‘tkazish jarayoni.
Foto: AFP}
Energodar

^{Rossiya harbiy karvoni Yevropadagi eng yirik Zaporoje atom elektr stansiyasi yo‘lida. Mart oyi o‘rtalaridan beri Rossiya AESni nazorat qilmoqda. 4 martga o‘tar kechasi stansiya o‘qqa tutilib, yong‘in sodir bo‘lgandi – o‘quv va laboratoriya binolari yonib ketgan. Radiatsiya darajasi normal saqlanib turibdi. Zelenskiyning aytishicha, Ukrainada 15 ta energoblok bor, ulardan oltitasi Zaporojeda, agar ular portlasa, oqibatlari dahshatli bo‘ladi.
Foto: AP Photo}
Lvov

^{Lvov markazida o‘tkinchilar uchun tashkil etilgan o‘yin. Nishonga Putinning portreti tushirilgan va shunday yozilgan: «Nishonga tekkiza olmaslik uyat emas, o‘q otmaslik uyat».
Foto: Getty Images}

^{Lvovdagi cherkovda ibodat qilayotgan askarlar. Ko‘plab ikonalar bombardimonlardan himoyalanish uchun o‘rab qo‘yilgan
Foto: Getty Images} Rossiya va Ukraina urushi