Rossiya Mudofaa vazirligi Kiyevning Ilon oroli hududidagi yo‘qotishlari haqida ma’lumot berdi

Kiyev rejimi Ilon (Zmeiniy) oroli hududida 30 ta uchuvchisiz uchar qurilmalari, 50 nafardan ziyod ukrainalik jangarilarini yo‘qotgan. Bu haqda Rossiya Mudofaa vazirligi rasmiy vakili Igor Konashenkov brifing davomida ma’lum qildi.

Konashenkov bergan ma’lumotlarga ko‘ra, Qora dengizdagi Ilon orolini egallab olishga urinishda Ukraina armiyasi 4 ta jangovar samolyoti, 10 ta vertolyoti, 3 ta kateridan ayrilgan.

Bundan tashqari, idoraning aniqlik kiritishicha, Ilon orolini egallab olishga urinishda yana 6 ta Mi-8 va Mi-24 vertolyotlari jalb qilingan bo‘lgan. Ular Odessa viloyatining Arsiz hududida yakson qilingan.

Rossiya Mudofaa vazirligi Ukrainaning orolni egallab olishga bo‘lgan urishi harbiy nuqtai nazaridan behuda bo‘lgan deb hisoblaydi. Ta’kidlanishicha, orolda 27 nafar ukrain maxsus bo‘linmalari jangarilari va millatchilarining jasadi qolmoqda.

RIA Novostining Rossiya Qurolli kuchlaridagi manbasiga tayangan holda xabar berishicha, britaniyaliklar tomonidan o‘ylangan Ilon oroliga hujum qilish to‘g‘risidagi farmonni Ukraina prezident Vladimir Zelenskiyning shaxsan o‘zi bergan. Zelenskiy 9 may kuniga biror natija bo‘lishini talab qilgan, Bosh shtab qarshi bo‘lgan. Manbaning ta’kidlashicha, Ilon oroliga hujumning yakuni Britaniya bosh vaziri Boris Jonson va Zelenskiyning “g‘alaba” deb ataluvchi qo‘shma bayonoti bo‘lishi kerak bo‘lgan. “Zamin” yangiliklarini “Youtube”da kuzatib boring