Serdar Berdimuhamedov Moskvaga keldi

Turkmaniston prezidenti Serdar Berdimuxamedov rasmiy tashrif bilan Moskvaga keldi. Rossiya prezidenti Vladimir Putin bilan Kremlda bo‘lib o‘tgan uchrashuvda ikki mamlakat o‘rtasidagi siyosiy, savdo-iqtisodiy va gumanitar sohalardagi hamkorlikni yanada rivojlantirish masalalari, dolzarb mintaqaviy va xalqaro mavzular muhokama qilindi.

Aytish joizki Serdar Berdimuhamedovning ushbu rasmiy tashrifi uning 2022 yil 19 martda Turkmaniston Prezidenti lavozimiga kirishganidan keyin birinchi xorijiy safaridir.

Mehmonni qutlar ekan, Vladimir Putin Rossiya va Turkmaniston orasidagi strategik ahamiyatga ega munosabatlar ildam rivojlanib borayotganini va yil boshidan buyon savdo-sotiq hajmi 40%ga oshganini qayd etdi.

Berdimuxamedov, o‘z navbatida Rossiya prezidentini hamda butun rus xalqini yaqinlashib kelayotgan Rossiya kuni bilan tabrikladi. Shuningdek kelajakda ham ikki davlat orasidagi munosabatlar o‘zaro hurmat, ishonch va bir-birining manfaatlarini hisobga olishga asoslangan bo‘lishiga umid bildirdi.

Undan tashqari, Serdar Berdimuxamedov Rossiya prezidentiga samimiy qabul va mehmondo‘stlik uchun minnatdorlik bildirib sobiq prezident Gurbanguli Myalikgulevich Berdimuhamedovning salomini Putinga yetkazdi. “Zamin”ni Telegramʻda oʻqing!