Rossiya amerikalik astronavtning yo‘lkirasini 2 milliardga baholadi

^{Foto: «Ferra»}
Ukrainadagi ziddiyat ortidan Rossiya aksariyat tranzaksiyalarini rubllarga o‘tkazmoqda. Buni hatto fazoda ham sezishdi.

2022 yilning mart oyida «Roskosmos»ning «Soyuz» kemasi Xalqaro kosmik stansiyadan NASA astronavti Mark Vande Xayni Yerga olib qaytgandi. Fazoviy yo‘lovchidan yo‘lkira rublda olingan.

«Roskosmos» rahbari Dmitriy Rogozinning aytishicha, NASA 2 mlrd rubl to‘lagan. O‘rtada «Axiom» kompaniyasi vositachilik qilgan. Rus valyutasida to‘lov qilish taklifi «Roskosmos»dan chiqqan.

Rossiya markaziy banki kursi (11-14 iyun) bilan hisoblanganda, 2 mlrd rubl — 34,61 mln AQSH dollariga teng. “Zamin”ni Telegramʻda oʻqing!