Si Szinpin Tayvanga bostirib kirishga ruxsat beruvchi hujjatga imzo qo‘ydi

^{Foto: Global Look Press}
Xitoy yetakchisi Si Szinpin harbiy kuchlardan «noharbiy» maqsadlarda foydalanishga ruxsat beruvchi direktivani imzoladi. Radio Free Asia portaliga ko‘ra, shu yo‘l bilan Pekin urush e’lon qilmasdan «maxsus operatsiya» niqobi ostida Tayvanga bostirib kirishga tayyorlanishi mumkin.

Ma’lum bo‘lishicha, farmon 15 iyundan kuchga kiradi va asosiy prinsiplar: qo‘shinlarni tashkil etish, boshqarish, operatsiyalar turlari, tezkor ta’minlash va siyosiy ishlarni, shuningdek, jangovar topshiriqlarni bajarishni tartibga soladi.

Shu bilan birga, hujjatda belgilangan maqsadlar qatoriga milliy suverenitet, mintaqaviy barqarorlikni saqlash hamda maxsus operatsiyalarni tashkil etish va o‘tkazishni tartibga solish ham kiradi.

Ushbu xabar Ukraina prezidenti Vladimir Zelenskiy Tayvan bo‘g‘ozidagi harbiy harakatlar tahdidini diplomatik yo‘l bilan hal qilishga chaqirganidan keyin paydo bo‘ldi. Avvalroq Xitoy mudofaa vaziri Vey Fenxe, Xitoy Tayvanni undan «ajratib olish»ga qarshi «har qanday qiymat evaziga va oxirigacha» kurashishini aytgandi. “Zamin” yangiliklarini “Vkontakti”da kuzatib boring