«Qozog‘iston oligarxlar bilan butunlay xayrlashishi kerak» — To‘qayev

^{Foto: «RIA Novosti»}
Qozog‘iston xoh iqtisodiyotda bo‘lsin, xoh siyosatda oligarxiya tuzumi bilan butunlay xayrlashishi kerak, dedi prezident Qosim-Jo‘mart To‘qayev «Rossiya 24» telekanaliga bergan intervyusida.

«Mamlakatda ijtimoiy adolat bo‘lishi kerak. Albatta, men utopik va xayolparast emasman, bu bir yilda bitadigan ish emasligini tushunaman, lekin bunga intilishimiz kerak. Ijtimoiy lift ishlashi kerak, biz davlat lavozimlariga, davlat kompaniyalaridagi lavozimlarga juda qobiliyatli, vatanparvar odamlarni tanlashimiz kerak», — dedi u.

To‘qayevning so‘zlariga ko‘ra, Qozog‘istonga siyosiy islohotlar kerak, «odamlarning fuqarolik faolligiga erkinlik berish» zarur edi, buning uchun «jamiyatdan juda katta so‘rov» tushdi.

«Biz superprezidentlik tizimidan nufuzli parlament o‘z o‘rnini egallagan, ijro etuvchi hokimiyat o‘z rolini o‘ynaydigan va parlament butun xalq oldida to‘liq javobgar bo‘lgan sivilizatsiyalashgan prezidentlik tizimiga o‘tishimiz kerak», — dedi u. “Zamin” yangiliklarini “Odnoklassniki”da kuzatib boring