Maxsus operatsiya: Rossiya Mudofaa vazirligining bayonoti

Rossiya Mudofaa vazirligi rasmiy vakili general-leytenant Igor Koneshenkov Qurolli kuchlar tomonidan o‘tgan sutka davomida amalga oshirilgan ishlar haqida bayonot berdi.

Rossiya Qurolli kuchlari o‘tgan sutka davomida:

• Kremenchug va Lisichansk viloyatlarida yuqori aniqlikda zarba beruvchi qurollar yordamida neftni qayta ishlash korxonalari va Ukraina harbiy texnikasining yoqilg‘i saqlash omborlarni yo‘q qildi;
  
• AQSH tomonidan Ukrainaga yetkazib berilgan M777 155 mm gaubitsalarining to‘rtta vzvodiga yuqori aniqlikdagi raketalar bilan zarba berildi;
  
• Rossiya aviatsiyasi 160 dan ortiq millatchilarni, uchta o‘q-dorilar omborini, oltita "Grad" reaktiv tizimlarini yo‘q qildi;
  
• Havo hujumidan mudofaa tizimlari Ukrainaning Su-25 samolyotini va va Mi-24 vertolyotini urib tushirdi;
  
• Xerson yaqinida bir dona Bayraktar-TB2 uchuvchisiz uchish apparati urib tushirildi;
  
• Ukraina qo‘shinlari to‘plangan 180 ta hudud artilleriyadan o‘qqa tutildi, 310 dan ortiq millatchi yo‘q qilindi.

Umumiy hisobda maxsus harbiy operatsiya boshlangandan buyon 206 ta samolyot, 132 ta vertolyot, 1241 ta uchuvchisiz apparat, 343 ta zenit-raketa tizimi, 3613 ta tank va boshqa zirhli jangovar texnika, 547 ta raketa tizimi, 2032 ta dala artilleriya qurollari va minomyotlar, 3687 dona maxsus harbiy texnika yo‘q qilingan. “Zamin” yangiliklarini “Vkontakti”da kuzatib boring