Kareliyadagi Baliqchilar kulbasiga qo‘shni Bog‘ uyining arxitektura broshyurasidagi rasmi
Foto: Full House Design
Bu podshohlarni ham sharmanda qiladigan isrofgarchilik darajasidir.
Har biri 10 800 dollar (8 800 funt sterling) turadigan unitazlar va bir donasi 4 600 dollar turadigan dush kabinalari. Keyin bu saroyda Fior di Bosco marmaridan 110 000 dollarlik pol va birinchi qavatdan oqib chiqadigan dekorativ sharsharali yopiq hovuz bor. Hech qanday xarajat ayalmagan. Va bu, sizdirilgan elektron pochta xabarlariga ko‘ra, shunchaki «Bog‘ uyi».
Olti yil muqaddam Rossiyaning «Dojd» telekanali Rossiyaning shimolidagi Kareliya viloyati o‘rmonlari chuqurliklarida joylashgan, me’morlar tomonidan kamtarlik bilan «Baliqchi kulbasi» deya ta’riflangan bino mahalliy aholi tomonidan «Putin dachasi» yoki «ta’til uyi» sifatida keng tilga olingani haqida xabar bergan edi.
Buyuk Britaniya hukumati tahlillari shuni ko‘rsatadiki, Rossiya prezidenti o‘z nomiga bir nechta mulkni, jumladan, Sankt-Peterburgdagi kichkina kvartira, 1950 yillardagi sovet davridan qolgan ikkita avtomobil, treyler va kichik garaj, shuningdek, prezidentning taxminan yiliga 110 000 funt sterlinglik maoshini rasmiy ravishda ro‘yxatdan o‘tkazgan. Telekanalning xabar berishicha, aynan shu yerda Vladimir Putin Kreml hayotidagi stressdan dam olishni tanlagan.
Aslida bu yerda ikkita uy mavjud edi. Birining tomi o‘t bilan qoplangan va vertolyot maydonchasiga ega.
Foto: Full House Design
Ammo majmua nisbatan kamtarona ko‘rinadi, futuristik yog‘och va shishadan qurilgan Baliqchi kulbasi Ikea uslubidagi divanlar va yashil chelakli stullar bilan jihozlangan. Qo‘shni binoning o‘tli tomi osmondagi g‘arb josuslaridan yiroq bo‘lish zarurligiga ishora bo‘lgani sabab shunday qurilgani aytilgan.
Ammo bugun Uyushgan jinoyatchilik va korrupsiyani o‘rganish loyihasi (OCCRP) va rus tilidagi Meduza yangiliklar sayti tomonidan olingan, ikki qurilish kompaniyasi tomonidan yuborilgan minglab elektron pochta xabarlarining sizib chiqishi tufayli majmuaning yanada ko‘proq surati paydo bo‘ldi. Baliqchilar kulbasi atrofida qurilayotgan hashamatli ko‘chmas mulk ham.
Ikkinchi bino ikki qavatli bino bo‘lib, u hujjatda «Bog‘ uyi» deb ataladi. Uning qurilishi o‘tgan yili boshlangan, qurilish ishlarida lazurit kabi yarim qimmatbaho toshlar, labradorit va boshqalar kabi foydalanilgan. Pol qiymati 110 ming dollarlik Fior di Bosco marmari bilan qoplangan, hojatxonalar esa 10 800 dollarlik kranli unitazlar bilan jihozlangan. Uyning oltita hammomining har birining santexnikasi umumiy qiymati 3 million rubldan (taxminan 46 ming dollar) baholanadi. Qimmatbaho kranlardan tashqari, vanna ichidan 300 ming rubl (4600 dollardan ortiq) bo‘lgan dush tutqichlarini ko‘rish mumkin.
«Bog‘ uyi»ning birinchi qavatida oltita yotoqxona mavjud bo‘lib, ularning har birida hammom va kiyinish xonasi mavjud. Binoning markazida o‘zining dekorativ sharsharasi bo‘lgan yopiq basseyn joylashgan.
Yana bir bino 2018 yilda qurila boshlangan. Hujjatlarda u «sigir ombori» deb aytib o‘tib ketilgan, lekin aslida u yerda hech qanday sigir yo‘q. Bu futuristik uslubdagi katta majmua. Uning birinchi qavatida 200 kvadrat metrdan ortiq keng ovqatlanish maydoni mavjud. Hududdan shisha bo‘linma bilan ajratilgan oshxonada yapon uslubidagi gril, tandir, teppan tayyorlash uchun uskunalar va chekish xonasi mavjud.
Ikkinchi qavatda esa 345 ming yevrolik Avstriya texnikalari bilan jihozlangan xususiy pivo zavodi joylashgan. U kuniga 47 litr pivo ishlab chiqarishi mumkin. Bundan tashqari, bu yerda Ladoga ko‘liga qaragan manzarali choyxona ham mavjud.
Foto: Full House Design
Jurnalistlar butun «sigir ombori»ning narxini 187 million dollarga baholagan.
Jurnalistlarning yozishicha o‘tgan yili xizmatchilar foydalanishi mumkin bo‘lgan to‘rtta oddiy yotoqxonasi, baliq, go‘sht va sabzavotlar ombori, qo‘shimcha oshxona jihozlari bo‘lgan yana bir ikki qavatli bino qurilishi boshlangan. Bundan tashqari, yozgi uy hududida chorvachilik fermasi mavjud bo‘lib, u yerda vagyu buqalari yetishtiriladi (marmar mol go‘shti yetishtirish uchun ishlatiladi).
Kreml prezidentning bu ob’ektlarga hech qanday aloqasi yo‘qligini ma’lum qilgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
AQSH Isroilga qurol yetkazib berishni to‘xtatdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi
