AQSH Senati qurol nazorati to‘g‘risidagi qonun loyihasini ma’qulladi

^{Foto: EPA}
AQSH Senati qurolli zo‘ravonlikka qarshi kurash to‘g‘risidagi qonun loyihasini qabul qildi, deb yozmoqda CNN telekanali.

Qonun loyihasini yoqlab 65 senator ovoz bergan, 33 nafari esa qarshi chiqqan. «15 nafar respublikachi ushbu chorani qo‘llab-quvvatlash uchun demokratlarga qo‘shildi, bu mamlakatning eng munozarali siyosiy masalalaridan biri bo‘yicha ikki partiyaviy yutuqni ko‘rsatadi», — deyiladi CNN xabarida.

Hujjat yaqinda Texasning Yuvalda shahridagi boshlang‘ich maktabda hamda Nyu-Yorkning Buffalo shahridagi supermarketda o‘nlab kishilarning o‘limiga sabab bo‘lgan otishmalardan so‘ng qabul qilingan edi.

Endi qonun loyihasi Vakillar palatasi tomonidan ma’qullanishi kerak, shundan so‘ng u imzolash uchun prezident Jo Baydenga yuboriladi.

May oyida New York Post gazetasi Gun Control Violence veb-sayti ma’lumotlariga tayanib, «2022 yilda Qo‘shma Shtatlardagi ommaviy otishmalar soni avvalgi yildagi ko‘rsatkichlar sonidan oshib ketgani» haqida xabar berdi.

Hisobotda aytilishicha, joriy yilning 144 kunida mamlakatda 214 ta otishma qayd etilgan. “Zamin” yangiliklarini “Twitter”da kuzatib boring