Terrorchilar qo‘shni davlatlarga kirib olish uchun Afg‘onistondan baza sifatida foydalanmoqchi, dedi Rossiya mudofaa vaziri Sergey Shoygu Qozog‘iston, Qirg‘iziston, Tojikiston va O‘zbekistondagi hamkasblari bilan bo‘lib o‘tgan uchrashuvda.
“Xalqaro terrorchilar yetakchilari Afg‘oniston hududini qo‘shni davlatlarga kirib olish va jihodchilarning yashirin tarmog‘ini yaratish, shu jumladan, jangarilarni qaynoq nuqtalardan Afg‘onistonga ko‘chirish uchun baza sifatida qaramoqda”, - dedi Rossiya mudofaa vaziri.
Uning so‘zlariga ko‘ra, mintaqada diniy radikalizm mafkurasi, narkotrafik va transchegaraviy jinoyatchilik keng tarqalmoqda, shuning uchun Rossiya va Markaziy Osiyo davlatlari mintaqada terrorizmga qarshi kurashish bo‘yicha huquq-tartibot idoralari o‘rtasidagi muvofiqlashtirishni kuchaytirish va bu borada umumiy yondashuvlarni shakllantirishi zarur, - dedi vazir.
Rossiya mudofaa vaziri biroz oldin Afg‘onistonda vaziyat jiddiyligicha qolayotgani, mamlakatda xavlar ortib borayotgani, amerikliklar qoldirgan ko‘plab qurol aslaha nomaqbul qo‘llarga tushib qolayotgani haqida ma’lum qilgan edi.
So‘nggi kunlarda Afg‘oniston ichida o‘zaro kelishmoqchilik va nizolar tobora ortib bormoqda. Xususan, Tolibon* tomonidan hukumatdan o‘rin ajratilmagani va turli diskriminatsion choralar qo‘llanilgani tufayli shimoliy viloyatlarda yashaydigan xalqlar o‘zbeklar, tojiklar va hazoralar orasida Tolibon*ga qarshi kayfiyatlar keskin kuchaygan.
Yaqinda Balxab viloyati yetakchisi Maxdi Balxabi Tolibonga bo‘y so‘nmasligini e’lon qildi. 23 iyun kuni Balxabi va Tolibon kuchlari orasida bo‘lib o‘tgan dastlabki to‘qnashuvda Balxabi g‘olib chiqdi, Tolibon* 20-40 kishigacha yo‘qotib chekinishga majbur bo‘ldi.
Eslatib o‘tamiz, Rossiya 2021 yilda Moskvada bo‘lib o‘tgan uchrashuvda Afg‘oniston yangi rahbariyati Tolibon*ga (Rossiyada ta’qiqlangan) mamlakatda inklyuziv - ya’ni barcha millatlar va siyosiy partiya vakillarini qamrab oluvchi hukumat tuzish kerakligini va faqat shundan so‘ng yangi hukumatni tan olishi mumkinligini ma’lum qilgan edi.
*Terrorchilik faoliyati uchun Rossiyada ta’qiqlangan tashkilot “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Shols va Putin o‘rtasidagi suhbat Kiyevga signal bo‘ldi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
20 yoshli o‘zbekistonlik qizni qarindoshi Turkiyaga sotib yubordi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
