16:50 / 25.08.2016
6 657

Kim Chen In AQSh hududini "qo‘llarida tutib turganini" aytdi

Kim Chen In AQSh hududini "qo‘llarida tutib turganini" aytdi
KXDR etakchisi Kim Chen In suv osti kemasidan ballistik raketaning uchirilishi vaqtida aytganki, uning davlati "AQShning materikdagi qismini hamda Tinch okeani hududidagi harakatlanish hududlarini nazorat ostida tutib turibdi". Bu haqda Koreya Markaziy telegraf agentligi xabar qilgan, deyiladi "Kun" nashrida.

Kim Chen Inning e’tirof etishicha, raketa uchirilishi muvaffaqiyatli chiqdi. U bu sinovni "katta yutuq" deb atagan.

Shimoliy Koreya rahbari AQSh va uning tarafdorlarini "Koreya xalq armiyasining halokatli zarbasidan qochish uchun KXDR xavfsizligiga rahna soladigan xatti-harakatlardan voz kechish lozimligi" haqida ogohlantirdi.

Kim Chen In, shuningdek, mudofaa sanoatida ishlaydigan olimlar va texnologlarni yadroviy kallaklar tashuvchi vositalarni rivojlantirishga e’tibor qaratishga chaqirdi.

Chorshanba kuni tongida KXDR Xamgen-Namdo viloyatidagi Sinpxo port shahri yaqinida suv osti kemasidan ballistik raketa uchirdi. Raketa 500 kmlar chamasi uchib o‘tib, Yapon dengiziga tushgan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)