Foto: Ukrinform
Ukraina kelajakdagi tinchlik muzokaralari formulasini ishlab chiqishga qaratilgan xalqaro hamkorlar bilan navbatdagi uchrashuvga Rossiya vakilini taklif qilishi mumkin. Bu haqda Bloomberg xabar berdi.
Shveysariya 15—16 iyun kunlari bo‘lib o‘tgan Ukraina bo‘yicha tinchlik sammitiga Rossiya taklif qilinmagan edi.
Nashrga ko‘ra, Ukraina prezidenti devoni rahbari Andrey Yermak ishchi guruhlar navbatdagi uchrashuv tafsilotlarini ishlab chiqayotgan bir paytda Rossiyaning navbatdagi sammitdagi ishtiroki masalasini ko‘targan. U Shveysariyada o‘tkazilgan uchrashuvni muvaffaqiyatli o‘tganini ta’kidlagan.
Yermak, shuningdek, Ukraina “realistik” va boshqa davlatlar ishtiroki uchun ochiq ekanini aytgan.
"O‘ylashimizcha, Rossiya vakilini ham taklif qilish mumkin", — deya qo‘shimcha qilgan u.
Bloomberg‘ga ko‘ra, Shveysariyada bo‘lib o‘tgan konferensiyada 100 dan ortiq davlat va tashkilotlar ishtirok etgan, biroq kengroq global qo‘llab-quvvatlashga erishishdek asosiy maqsadiga erisha olmagan. Qayd etilishicha, Hindiston, Braziliya va Janubiy Afrika yakuniy kommyunikeni imzolashdan bosh tortgan va shu bilan BRIKS davlatlari doirasini yopgan.
Rossiya prezidenti Vladimir Putin uchrashuv oldidan tinchlik muzokaralari shartlarini sanab o‘tgan edi. 18 iyun kuni Shveysariya TIV Ukraina bo‘yicha navbatdagi tinchlik sammiti Yevropada o‘tkazilmasligini ma’lum qilgan. Hukumat Rossiyaning tadbirda ishtirok etishi zarurligini ta’kidlagan.
Rossiya TIV rasmiy vakili Mariya Zaxarova Rossiya sammitni muvaffaqiyatsiz deb hisoblashini aytgan. Uning so‘zlariga ko‘ra, yig‘ilishdan keyingi “nol natija” ishtirokchilar o‘rtasida yakdillik yo‘qligining isbotidir, chunki yakuniy kommyunikeni hamma davlatlar ham qo‘llab-quvvatlamagan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekiston Turkmaniston va Turkiya bilan mudofaa sohasida hamkorlik qiladi
Zelenskiyning AQSHga tashrifi: Tramp «Ukraina endi yo‘qligi»ni aytdi
Lukashenko NATO davlatlariga yadroviy zarba berishga tayyorligini ma’lum qildi
Stoltenberg: “Rossiya NATOni qo‘rqitishga harakat qilmoqda”
Yaqin Sharq katta urush ostonasidami?
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Kuniga nechta olma yeyish mumkin? Ommabop mevaning zararli xususiyatlari
Hindiston BMTni isloh qilishga chaqirdi