AQSHda kongressmen-demokrat Baydendan iste’foga chiqishni talab qildi

1 daqiqa o'qish201
AQSHda kongressmen-demokrat Baydendan iste’foga chiqishni talab qildi
Foto: ABCnews
AQSHda Demokratlar partiyasi vakili, Kongress deputati Lloyd Dogget amaldagi prezident Jo Baydendan iste’foga chiqishni talab qildi. Bu haqda CNN nashri xabar berdi.

Lloyd Dogget o‘z bayonotini 2 iyul kuni Texas shtatidan turib e’lon qilgan. Chunki vakilning o‘zi Texas shtatidan Kongressga tayinlangan. Uning prezidentga yo‘llagan notasi keskin muhokamalarni keltirib chiqargan. Dogget o‘z bayonotida Kongress a’zolarining ko‘pchiligi prezident iste’fosi haqida umumiy fikrda ekanini oshkor qilgan.

“Men bir paytlar Lindon Jonson vakillik qilgan Kongress okrugining e’tiborli vakiliman. Aytishim mumkinki, turli qiyin vaziyatlar sabab Jonson vazifasidan ketish haqida og‘riqli xulosaga kelgan edi. Bayden ham shunday qilishi kerak”, — degan Lloyd Dogget.

Doggetning bayonoti o‘tgan hafta Baydenning sobiq prezident Donald Trampga qarshi samarasiz debatlari ortidan partiya xavotirlarini bostirishga urinayotgan prezident va uning jamoasi atrofidagi bosimni kuchaytiradi. Oqibatda prezident partiyasining o‘zida bo‘linish yuzaga kelishi mumkin.

Seshanba kuni Illinoys shtatining Demokratlar partiyasidan tayinlangan vakili Mayk Kuigli ham prezidentlik uchun Baydenni nomzodini qayta ko‘rib chiqishni talab qilgan. Partiya ichida bu lavozimga yaxshiroq nomzodlar borligi aytilgan.

“Menimcha, uning to‘rt yillik prezidentligi eng zo‘r rahbarlik davrlaridan biri bo‘ldi. Lekin u o‘ziga nisbatan vijdonli bo‘lishi kerak. Bayden kursida endi o‘tirolmaydi”, — degan Kuigli CNN nashriga bergan intervyusida.

Oldinroq AQSHning CBS News nashri AQSH aholisi o‘rtasida prezident Baydenning yangi muddatga nomzodini qo‘yishiga nisbatan munosabatini o‘rganish uchun so‘rovnoma o‘tkazgan edi. Unda qatnashganlarning 70 foizdan ortig‘i Baydenni yangi muddatga saylanish uchun aqliy va kognitiv jihatdan munosib emas deb topgan.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?