O‘zbekiston yo‘l qurilishi sohasida Xitoy bilan hamkorlikni yo‘lga qo‘yadi

^{Foto: "Dunyo" AA}
O‘zbekistonning Guanchjou shahridagi Bosh konsulxonasi tomonidan joriy yil 24-27 avgust kunlari Guangdong Hong Kong Macao Greater Bay Area Smart Transportation Industry Expo ko‘rgazmasida O‘zbekiston milliy stendi tashkil etildi.

Ushbu stendda so‘nggi 7 yil ichida transport sohasida, yo‘l qurilishi, infrastrukturani yangilash yo‘nalishida amalga oshirilgan islohotlar yuzasidan ma’lumotlar taqdim etildi. Shuningdek, "O‘zbekiston transport sohasida rivoji va imkoniyatlari" mavzusida taqdimot tashkil etildi.

Ko‘rgazma doirasida ishtirokchilar bilan O‘zbekistonda yo‘l qurilishi sohasida hamkorlikni yo‘lga qo‘yish va joylardagi holat bilan yaqindan tanishish maqsadida mamlakatga safarlar tashkil etish yuzasidan fikr almashildi.

Xitoy tomoni joriy yilda "O‘zbekiston–Qirg‘iziston–Xitoy" yangi temiryo‘li loyihasini amalga oshirish bo‘yicha mamlakatlar rahbarlari sa’y- harakatlarini yuqori baholab, ushbu temiryo‘l loyihasi amalga oshgach, O‘zbekiston va Xitoy o‘rtasidagi savdo aylanmasi yanada oshishini ta’kidladilar. “Zamin” yangiliklarini “Facebook”da kuzatib boring