Jo Bayden Isroilga 8 milliard dollarlik qurol sotish niyatida ekani aytilmoqda

AQSh prezidenti Jo Bayden vakolati tugashidan oldin Isroilga 8 milliard dollarlik qurol paketini sotmoqchi. Bu haqda Axios portali manbalarga tayanib xabar berdi.

Unga koʻra, AQSh davlat departamenti Kongressni yahudiy davlatiga qurol-yarogʻ va oʻq-dorilar sotish boʻyicha bitim tuzish niyati haqida norasmiy ravishda xabardor qilgan. Xususan, Qoʻshma Shtatlar Isroilga qiruvchi va hujum vertolyotlari uchun havo-havo raketalari, artilleriya snaryadlari, kichik diametrli bombalar, qoʻshimcha oʻq-dorilari toʻplamlari, 500 funtli bomba (taxminan 227 kg) va boshqa oʻq-dorilar bilan ta'minlaydi.

Nashr manbalarining ta'kidlashicha, kelishuv “Isroil xavfsizligini uzoq muddatli qoʻllab-quvvatlash” uchun moʻljallangan. Ba'zi qurollar toʻgʻridan toʻgʻri Pentagon omborlaridan Isroilga etkazilishi kutilmoqda, ammo aksariyat qurollarni etkazib berish “bir yil yoki undan koʻproq vaqtni oladi”.

Axiosning ta'kidlashicha, Isroilga ehtimoliy qurol savdosi AQSh Vakillar Palatasi va Senatning Tashqi aloqalar qoʻmitasi tomonidan tasdiqlanishi kerak. “Zamin”ni Telegramʻda oʻqing!