Britaniyaning Daily Mail nashri AQSh sobiq prezidenti Donald Tramp Ukrainadagi urushni to‘xtatish rejasini ishlab chiqqani haqida xabar berdi. Nashrga ko‘ra, Tramp Ukraina prezidenti Volodimir Zelenskiyni Pasxagacha Rossiya bilan o‘t ochishni to‘xtatishga rozi qilishga harakat qiladi.
Manbaga ko‘ra, siyosiy va diplomatik doiralarda 20-aprelgacha sulh e’lon qilish rejalari muhokama qilinmoqda. Ushbu reja Rossiyaning Ukrainadagi hujumlarini to‘xtatishni, Ukrainaga NATOga a’zo bo‘lishni taqiqlashni va Kievdan Rossiya tomonidan anneksiya qilingan hududlarni tan olishni talab qiladi.
Shuningdek, Ukraina qo‘shinlari Rossiyaning Kursk viloyatidan chekinishi kerak bo‘ladi. Yevropa harbiy kontingenti demilitarizatsiya hududini qo‘riqlaydi, lekin AQSh qo‘shinlari bu jarayonda ishtirok etmaydi. Bundan tashqari, Yevropa Ittifoqidan Ukrainani tiklash uchun 486 milliard dollar miqdorida yordam so‘ralishi kutilmoqda.
Tinchlik jarayoni fevral boshida Zelenskiy va Rossiya prezidenti Vladimir Putin o‘rtasidagi telefon suhbatidan boshlanib, mart oyida yuzma-yuz uchrashuv bilan davom etishi va 9-maygacha rasmiy sulh e’lon qilinishi rejalashtirilgan.
Biroq, Zelenskiy ma’muriyati ushbu reja borligini rad etmoqda. Prezident idorasi rahbari Andrey Yermak bu xabarlarni “asossiz mish-mish” deb atadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
