Donald Tramp ingliz tilini AQShning rasmiy tili deb e'lon qildi

AQSh Prezidenti Donald Tramp mamlakat tarixida ilk bor ingliz tilini rasmiy til sifatida tan olish haqidagi farmonni imzoladi, deb xabar berdi Oq uy. Farmonda umumiy til "umummilliy qadriyatlarni mustahkamlaydi" va "yaxshiroq jamiyat yaratadi" deb ta'kidlangan. ​

Shuningdek, Tramp 2000-yilda sobiq prezident Bill Klinton tomonidan imzolangan, federal idoralar va federal budjetdan yordam oladigan barcha tashkilotlardan ingliz tilini bilmaydigan fuqarolarga tarjimada yordam ko'rsatishni talab qiluvchi farmonni bekor qildi. Endi boshqa tillarda xizmat ko'rsatishni xohlaydimi yoki yo'qmi — idora rahbariyatlari o'zlari hal qiladi. ​

Ma'lumotlarga ko'ra, AQShning 30 dan ortiq shtatlari allaqachon ingliz tilini rasmiy til sifatida tan olgan edi, ammo federal darajada bu birinchi marta amalga oshirilmoqda.