Sovet ittifoqi qochqini Oleg Gordievskiy vafot etdi

Buyuk Britaniyada 86 yoshli sobiq KGB polkovnigi va sovet ittifoqi qochqini Oleg Gordievskiy o'z uyida vafot etdi, deb Tengrinews.kz xabar berdi.

U Moskvada NKVD xodimining oilasida tug'ilgan, MGIMOni tamomlagan va KGBning Birinchi bosh boshqarmasiga xizmatga kirgan. Daniya va Buyuk Britaniyada sovet agenti sifatida faoliyat yuritgan. 1974 yilda Kopengagenda MI6 tomonidan yollangan va ko'p yillar davomida Londonga SSSR haqida qimmatli ma'lumotlar yetkazgan.

1985 yilda Londondan Moskvaga chaqirib olinib, unga shubha bildirilgan. U Moskvadan Leningradga, u yerdan Finlyandiya chegarasiga qochib, britan diplomatlari yordamida chegaradan o'tgan. SSSRda davlatga xiyonatda ayblanib, sirtdan o'lim jazosiga hukm qilingan.

2007 yilda Buyuk Britaniya qirolichasi Yelizaveta II tomonidan milliy xavfsizlikka qo'shgan hissasi uchun Sankt-Maykl va Sankt-Jorj ordeni bilan taqdirlangan. U G'arb maxsus xizmatlarining eng muhim ma'lumot yetkazuvchilaridan biri hisoblangan. “Zamin” yangiliklarini “Telegram”da kuzatib boring