Markaziy Osiyo transport infratuzilmasi va logistikasini rivojlantirish uchun 10 milliard yevro oladi, deb uz.kursiv.media yozmoqda. Ushbu mablag‘ Samarqandda bo‘lib o‘tgan “Markaziy Osiyo – Yevropa Ittifoqi” sammiti yakunida e’lon qilindi.
Sammitda YI va Markaziy Osiyo mamlakatlari yetakchilari Transkaspiy transport yo‘lagi loyihasidagi yutuqlarni e’tirof etishdi. Bu yo‘lak ikki mintaqa o‘rtasidagi iqtisodiy aloqalarni kengaytiradi.
Shuningdek, Yevroittifoq O‘zbekiston va Turkmanistonning Jahon savdo tashkilotiga (JST) a’zo bo‘lishini qo‘llab-quvvatlashini yana bir bor bildirdi.
Uchrashuv yakunida muhim xomashyo bo‘yicha hamkorlikni nazarda tutuvchi qo‘shma deklaratsiya qabul qilindi. Yetakchilar Afg‘oniston va Ukraina bo‘yicha global barqarorlikka sodiqliklarini ta’kidlashdi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
