1 287
AQSH Tinch okeani qo‘mondoni admiral Samuel Paparo Senatdagi chiqishida Rossiya va Shimoliy Koreya o‘rtasidagi harbiy hamkorlikni jiddiy xavf sifatida baholadi.
Uning so‘zlariga ko‘ra, Pxenyan Rossiyaga yuzlab qisqa masofali ballistik raketalar va yuz minglab artilleriya snaryadlari yuborgan.
“Transaksion simbioz” – o‘zaro zaifliklarni qoplash
Paparo bu aloqalarni “ikki davlat o‘z zaif tomonlarini birgalikda to‘ldirmoqda” deb atadi. Uning ta’kidlashicha, Moskva Shimoliy Koreyaga zamonaviy havo mudofaa tizimlarini yetkazib bermoqda.
Tahlilchilar bu chiqishni Vashingtonning Moskva–Pxenyan alyansiga bo‘lgan jiddiy xavotiri sifatida baholashmoqda.
Oylar ichida Ukrainaga yetib borgan raketa
Janubiy Koreya va Britaniya manbalariga ko‘ra, Shimoliy Koreya 2024 yil oxirigacha Rossiyaga navbatdagi qurol patiyasini yuborgan. Unda KN-23 raketalari, 122 mm va 152 mm artilleriya snaryadlari bo‘lgan.
Conflict Armament Research tashkiloti 2024 yil iyul-avgust oylarida Ukrainaga urilgan raketalar qoldiqlarini o‘rganib, ularning to‘rttasi Shimoliy Koreyada ishlab chiqarilganini aniqlagan.
“Bu yillar emas, balki oylar masalasi. Bu — birinchi ochiq va real dalil,” dedi tashkilot rahbari Leff BMT Xavfsizlik Kengashidagi chiqishida.
Pxenyan nima yutyapti?
Mutaxassislarga ko‘ra, bu hamkorlik Shimoliy Koreya uchun strategik imkoniyat. Bu orqali ular o‘zining harbiy-texnologik salohiyatini oshirishi mumkin.
AQSH razvedkasi avval ham bunday yetkazmalar haqida xabar bergandi. Biroq Paparoning chiqishi eng qat’iy va ochiq bayonotlardan biri sifatida baholanmoqda.
Siz nima deb o‘ylaysiz – Pxenyan va Moskva aloqalari mintaqada qanday oqibatlarga olib kelishi mumkin? “Zamin”ni Telegramʻda oʻqing!
12:20, 3-04-2025
