Ivan Popov hibsda qoladi — sud generalning urushga qaytish iltimosini rad etdi

Rossiya qurolli kuchlari general-mayori Ivan Popov tergov izolyatorida qoladigan bo‘ldi. 11 aprel kuni 2-G‘arbiy harbiy okrug sudi uning ehtiyot choralarini yumshatish haqidagi iltimosini rad etdi. Bu haqda Rossiya OAV xabar berdi.

Hozirda Popov Tambov viloyatidagi SIZOda saqlanmoqda.

Himoya tomoni urushga yuborishni so‘ragan

Sud majlisidan bir necha kun avval Popovning advokatlari Rossiya Mudofaa vazirligi bilan generalni Ukrainadagi urushga yuborish bo‘yicha kelishuvga erishilganini bildirgan edi. Biroq sud bu pozitsiyani qabul қилмади.

Uy qamog‘idan SIZOga o‘tkazilgan

2024 yil 28 fevral kuni Tambov garnizon harbiy sudi Popovni uy qamog‘idan tergov izolyatoriga o‘tkazish to‘g‘risida qaror chiqargan. Sababi — u belgilangan cheklovlarni buzgani bo‘lgan.

Popov Putin nomiga ochiq xat yozgan

Mart oxirida OAVda Popov Rossiya prezidenti Vladimir Putinga ochiq maktub yozgani haqida xabarlar tarqaldi. Unda u:

• o‘ziga qo‘yilgan ayblovlarni asossiz, деб атаган,

• “Vatanni himoya qilishga tayyorman”, деб ёзган,

• ва украина фронтига қайтарилишини сўраган.

Yirik firibgarlikda gumon qilinmoqda

Popov 2024 yil may oyida hibsga olingan. Tergovga ko‘ra, u:

• Zaporizhja yo‘nalishida,

• istehkomlar qurilishi uchun mo‘ljallangan,

• 105 million rubl qiymatdagi 1700 tonnadan ortiq metallni sotib yuborgan.

Unga nisbatan yirik firibgarlik moddasi asosida jinoyat ishi ochilgan.

Siz nima deb o‘ylaysiz — urushda faol qatnashgan harbiylar moliyaviy jinoyatlar uchun javobgarlikdan ozod qilinishi kerakmi?

Шухрат Раззаков

«ZAMIN.UZ» muharriri