AQSH: “Ukrainada o‘t ochish to‘xtamas ekan, Rossiya bilan kelishuv bo‘lmaydi”

AQSH Ukrainadagi urush to‘xtamas ekan, Rossiyaga qarshi sanksiyalarni yengillashtirmaydi va ikki tomonlama kelishuvlarga kirmaydi, deb 15 aprelda Davlat departamenti rasmiy vakili Temmi Bryus bildirdi.

“Bu qirg‘in to‘xtamaguncha, hech qanday muzokaralar yoki kelishuvlar bo‘lmaydi”, — dedi Bryus jurnalistlarga.

U Rossiyaning Sumiga qilgan raketali hujumi (35 kishi halok bo‘lgan) tinchlikni kim istaydi va kim istamasligini yaqqol ko‘rsatib qo‘yganini ta’kidladi. Bryus urushni “hech narsa o‘zgarmaydigan go‘sht maydalagich” deb atadi.

WSJning yozishicha, AQSHda Trampga yaqin shaxslar — davlat kotibi Marko Rubio va Ukraina bo‘yicha maxsus vakil Kit Kellog — Trampni Putinning “diplomatik niyatlari”ga ishonib qolmaslikka chaqirgan.

Oq uyda esa shunday savol muhokama qilinmoqda: Rossiyani tinchlik muzokaralariga majburlash uchun sanksiyalar yanada kuchaytirilishi kerakmi?

Siz qanday deb o‘ylaysiz — Rossiyani muzokaraga olib kelish yo‘li qaysi? “Zamin”ni Telegramʻda oʻqing!