BAAdagi qonunlar yaratishda sun’iy intellekt ishtirok etadi

BAAda sun’iy intellekt qonunlar ishlab chiqish va mavjudlarini tahlil qilishda qatnashadi, deb xabar berdi nova24.uz.

Financial Times’ga ko‘ra, bu dunyoda ilk marta sun’iy intellekt qonun yaratish jarayonining to‘laqonli ishtirokchisiga aylanishi bo‘ladi. “AI-driven regulation” deb nomlangan loyiha hukumat tomonidan tasdiqlangan.

Maxsus tashkil etilgan hukumat bo‘limi — regulyator razvedka agentligi bu tizimni muvofiqlashtiradi. Yangi tizim qonun chiqarish jarayonini 70% gacha tezlashtirib, yanada aniqroq qiladi.

AI federativ va mahalliy qonunlar, sud qarorlari, davlat xizmatlari ma’lumotlari jamlangan keng bazani tahlil qilib, zamonaviy ijtimoiy-iqtisodiy sharoitlarga mos qonunchilik takliflarini ishlab chiqadi.

Hozircha qaysi sun’iy intellekt modellari qo‘llanilishi noma’lum, biroq bir nechta modeldan foydalanilishi kutilmoqda. Mutaxassislar loyihaning muvaffaqiyatini qat’iy nazorat va chegaralarga bog‘lamoqda. “Zamin”ni Telegramʻda oʻqing!