Tramp badavlat amerikaliklarga soliq oshirilishini «katta falokat» deb atadi

1 daqiqa o'qish323
Tramp badavlat amerikaliklarga soliq oshirilishini «katta falokat» deb atadi
Foto: AFP/Getty Images
AQSH prezidenti Donald Tramp mamlakatning eng boy qatlamiga qo‘llaniladigan soliq stavkasini oshirish g‘oyasini keskin tanqid qilib chiqdi. Uning aytishicha, agar bu qaror qabul qilinsa, badavlat amerikaliklar mamlakatni tark eta boshlaydi va bu iqtisod uchun katta zarar bo‘ladi.

«Menimcha, bunday qaror iqtisodiy jihatdan juda xavfli. Agar soliqlar oshsa, millionerlar mamlakatni tashlab ketishni boshlaydi. Bunday tajribani boshidan o‘tkazgan boshqa davlatlar ko‘plab fuqarolaridan mahrum bo‘ldi. Ular asosan mamlakatga katta soliqlarni to‘lab kelgan odamlardir», – dedi Tramp o‘z bayonotida.

Aytish kerakki, oxirgi haftalarda AQSHda Respublikachilar partiyasida aynan boylarga qo‘llaniladigan soliq stavkasini oshirish haqida bahs-munozaralar faollashgan. Xususan, yillik daromadi 1 million dollardan yuqori bo‘lgan fuqarolar uchun hozirgi 37 foizlik soliq miqdorini 40 foizgacha ko‘tarish masalasi ko‘rib chiqilmoqda.

OAV xabarlariga ko‘ra, bunday taklif odatda soliq oshishiga qarshi chiquvchi respublikachilar uchun g‘ayrioddiy hisoblanadi. Ammo bu g‘oya budjetga qo‘shimcha daromad topish zarurati hamda partiya saylovchilarining asosiy qismini tashkil qiluvchi ishchi sinf tomon siljishi bilan bog‘liq ekani aytilmoqda. Ayrim hisob-kitoblarga ko‘ra, boy qatlam uchun soliq stavkasini 40 foizga oshirish yaqin kelajakda mamlakat budjetini qo‘shimcha 400 milliard dollar daromad bilan ta’minlashi mumkin.

Eslatib o‘tamiz, avvalroq 2 aprel kuni Donald Tramp dunyoning 180 davlatiga nisbatan yangi savdo bojlarini joriy etgan edi va ushbu qaror 9 apreldan kuchga kirgandi. Bu qaror natijasida dunyoning eng boy 10 nafar insonlari o‘z kapitalidan 170 milliard dollardan ortiq mablag‘ni yo‘qotgan. Bu yo‘qotishlar qatorida Trampning o‘zi ham bor – uning shaxsiy boyligi 500 million dollarga kamaydi. Lekin eng katta zararni prezidentning asosiy maslahatchisi va homiysi, milliarder Ilon Mask ko‘rdi.

Hozircha soliqlarni oshirish masalasi AQSH siyosiy doiralarida qizg‘in muhokama qilinmoqda. Tramp esa bu g‘oyaning iqtisodiy oqibatlari jiddiy bo‘lishidan ogohlantirishda davom etmoqda.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?