96
Qozog‘istonda kriptovalyutadan erkin foydalanish mumkin bo‘lgan tajriba hududi — CryptoCity tashkil etiladi, deb PROFIT manbasiga tayanib Nova24.uz xabar berdi.
Loyiha mamlakat prezidenti Qosim-Jomart Tokaev tomonidan AIF2025 xalqaro forumida e’lon qilindi. Prezidentga ko‘ra, bu hududda kriptovalyuta orqali savdo qilish, xizmatlar uchun to‘lash va kundalik ehtiyojlarni qoplash mumkin bo‘ladi.
Tokaev, shuningdek, Markaziy Osiyodagi eng qudratli superkompyuterning Qozog‘istonga yetkazilganini va ishga tushirilayotganini ma’lum qildi. U mamlakat sun’iy intellektga alohida e’tibor qaratayotganini va uni akademik hamda innovatsion markazga aylantirishni maqsad qilganini ta’kidladi.
Raqamli rivojlanish, innovatsiyalar va aerokosmik sanoat vaziri Jaslan Madievning so‘zlariga ko‘ra, CryptoCity uchun ehtimoliy joylar sifatida Alatau aqlli shahri, Borovoe kurorti yoki Ostona EXPO hududi ko‘rib chiqilmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
