Airbus kompaniyasi Janubiy Koreya bilan 1,5 mlrd yevrolik shartnoma tuzdi

Zamin.uz: Airbus kompaniyasi Janubiy Koreya bilan 300 dan ortiq harbiy va fuqarolik vertolyotlarini yetkazib berish bo‘yicha 1,5 mlrd yevrolik shartnoma tuzdi. Bu haqda Janubiy Koreya aerokosmik uyushmasi vakillariga iqtibos keltirgan holda “Agence France-Presse” axborot agentligi xabar berdi.

Shartnoma doirasida Airbus kompaniyasining Airbus Helicopters sho‘’ba korxonasi 214 ta harbiy vertolyot va 100 ga yaqin fuqarolik vertolyoti ishlab chiqaradi. Bu vertolyotlar 20 yil davomida Janubiy Koreyaga yetkazib beriladi.

Bundan tashqari, tomonlar birgalikda hozirda mavjud EC-155B1 vertolyoti negizida harbiy va tijoriy maqsadlarga mo‘ljallangan yangi vertolyot modelini ishlab chiqishni rejalashtirishmoqda.

Manba: www.kun.uz