“Meduza” asoschisi Timchenko qidiruvga berildi

Rossiya Ichki ishlar vazirligi “Meduza” internet-nashri asoschisi Galina Timchenko va “Exo Moskvy” radiosining sobiq xodimi Aleksandr Plyushchevni qidiruvga berdi, deb kun.uz xabar bermoqda.

Timchenkoga nisbatan Rossiya jinoyat kodeksining “nomaqbul tashkilot faoliyatini tashkil qilish” moddasi bilan ish ochilgan. Rossiya hukumati “Meduza”ni aynan shunday tashkilot deb e’lon qilgan.

Plyushchevga nisbatan qanday ayblov qo‘yilgani ma’lum emas. U o‘zining Telegram-kanalida 11 iyun kuni: “Mana, men ham qidiruvdaman”, deb yozgan.

2022 yil oktyabr oyida Rossiya Adliya vazirligi uni “chet el agenti” deb e’lon qilgan edi. Shundan beri Plyushchev faoliyati yuzasidan hisob bermaganligi va materiallarga tegishli belgilarni qo‘ymagani sababli bir necha bor jarimaga tortilgan.

“Zamin”ni Telegramʻda oʻqing!