Tolibon Termiz xalqaro bozorida ayollarga cheklov o‘rnatdi

Tolibon Afgʻoniston chegarasi yaqinidagi Termiz xalqaro bozoriga 40 yoshdan kichik ayollarni kiritishni taqiqladi, deb Nova24 xabar berdi.

Ushbu cheklov Tolibonning ayollar huquqlarini cheklashga yoʻnaltirilgan umumiy siyosatiga mos keladi.

Hozirgacha rasmiylar bu taqiq bo‘yicha hech qanday izoh bermadi.

Sotuvchilarning aytishicha, bu qaror bozor savdosiga salbiy ta’sir ko‘rsatgan. Xaridorlar soni keskin kamaygan.

Ayniqsa, ayollarga uydan asosli sabab bo‘lmasdan chiqish man etilgach, vaziyat yanada yomonlashgan.

Bozorda savdo qilayotganlardan biri shunday dedi:
“Ilgari bozorda oilalar, ayniqsa ayollar ko‘p bo‘lardi. Hozir esa bunday xaridorlar deyarli qolmadi”. “Zamin”ni Telegramʻda oʻqing!