So‘nggi kunlarda Isroil va Eron o‘rtasida kuchli harbiy keskinlik kuzatilayotgan bir pallada, Ozarbayjon hukumati jiddiy diplomatik qadam tashladi. Trend agentligining xabar berishicha, Boku rasmiylari Isroilga rasmiy murojaat qilib, Eronning ozarbayjon millatiga mansub tinch aholi yashayotgan hududlarga zarba bermaslik, shuningdek, fuqarolik inshootlar — maktablar, kasalxonalar, masjidlar va aholi mahallalariga zarar yetkazmaslikni so‘ragan .
Bu so‘rov rasmiy diplomatlar orqali ham, dўst davlatlar vositasida ham Isroil ma’muriyatiga yetkazilgan. Ozarbayjon tashqi ishlar vazirligi bayonotida:
“Biz tomonlarni vazminlik bilan harakat qilishga chaqiramiz, xalqaro huquq normalariga rioya qilishga va milliy yoki diniy mansublikdan qat’i nazar barcha tinch aholini himoya qilishga chaqiramiz,” deyiladi .
Boku Eronning Sharqiy va G‘arbiy Ozarbayjon, Ardebil, Zandjon viloyatlarida millionlab etnik ozarbayjonlarning yashayotganini ham eslatgan — bu hududlar Isroil hujumlaridan zarar ko‘rmasligi kerak.
Ekspertlar nazarida, Ozarbayjon ikki tomon bilan — Isroil va Eron bilan iliq aloqada bo‘lgan davlat sifatida neytral pozitsiyani saqlab, ayni paytda o‘z xalqi xavfsizligini ta’minlashga intilmoqda.
Rasmiy statistikaga ko‘ra, Eron aholisining taxminan 25–35 million nafari etnik ozarbayjon hisoblanadi — bu esa butun Eron aholisi sonining taxminan 40 foiziga to‘g‘ri keladi .
Ma’lumki, 13 iyun tongida Isroil Tahronda “Eronda yadroviy qurol mavjud” deya ayblab, mamlakat bo‘ylab harbiy havo zarbalari berdi. Geolokatsiya jihatidan, Eronning ozarbayjonlar yashaydigan hududlari ham zarba xavfi ostida ekanligi tahmin qilinmoqda.
Eron esa bu hujumlarga javoban Isroilga qarshi javob zarbalar berdi. BMT, Xalqaro Qizil Yarim Oy va boshqa global tashkilotlar bu holatlar haqida jiddiy xavotir bildirib, tomonlarni tez fursatda jangovar muzokaralarni to‘xtatishga chaqirdi.
“Zamin”ni Telegramʻda oʻqing! 
Ctrl
Enter
Xato topdIngizmi
Iborani ajratib Ctrl+Enter tugmasini bosing 
