Eron “Sijjil” raketa bilan Isroilga aniq signal yubordi

Eron va Isroil o‘rtasidagi ziddiyat yana avjiga chiqmoqda. Bu safar Tehron tomonidan yuborilgan aniq va dahshatli signal esa — 2000 kilometr masofani bosib o‘tadigan “Sijjil” ballistik raketasi bo‘ldi. Bu haqda Islom Inqilobi Qo‘riqchilari Korpusi (IIQK) rasmiy bayonot bilan chiqdi.

Eron birinchi marta mazkur turdagi o‘rta masofali raketa orqali Isroilga bevosita javob qaytardi. “Sijjil” — ikki bosqichli, qattiq yoqilg‘ida ishlovchi va 2000 km radiusdagi nishonlarni o‘qqa tutuvchi zamonaviy raketa hisoblanadi. U yuqori aniqlik va tezlik bilan harakatlanadi, atmosferaga qayta kirishda soatiga 12–14 Max tezlikka yetadi.

Eronning davlatga qarashli “Tasnim” axborot agentligi raketaning uchirilishi aks etgan videoni e’lon qildi. Ko‘pchilik harbiy tahlilchilar fikricha, bu “Sijjil” raketasining birinchi real jangovar ishlatilishi bo‘lishi mumkin — avvalgi barcha holatlar sinov va harbiy mashg‘ulotlardan iborat edi.

“Sijjil” nafaqat qulay raketa, balki mutaxassislar tomonidan ehtimoliy yadro kallaklarini tashish qobiliyatiga ega deb baholangan xavfli quroldir.

Isroildan munosabat: “Hech qaysi raketa nishonga yetmadi”

Boshqa tomondan, Isroil mudofaa armiyasi (IDF) ushbu vaziyatga javoban tezkor bayonot berdi. Rasmiylarga ko‘ra, bugungi kunda uchirilgan barcha raketa va dronlar Iron Dome va Arrow 3 tizimlari yordamida havoda yo‘q qilingan, yo‘lda yo‘q qilib yuborilgan.

Shuningdek, Isroil rasmiylari ushbu harakatni “provokatsiya” deb baholagan va har qanday tahdidga nisbatan qat’iy chora ko‘rilishini ma’lum qilgan.

“Sijjil” – zamonaviy va xavfli texnologiya

Bu raketa ilk bor 2008 yilda sinovdan o‘tkazilgan. U yuqori manevrli bo‘lib, turli atmosfera sharoitida ham o‘z vazifasini muvaffaqiyatli bajara oladi. Eron harbiylari bu raketani o‘z mudofaa va hujum strategiyasida muhim o‘ringa qo‘ygan.

“Sijjil” — faqat bir mamlakatga emas, balki butun mintaqadagi har qanday strategik obyektga tahdid sola oladigan qurol.

Ayni paytda, xalqaro harbiy kuzatuvchilar va tahlilchilar bu holatni Yaqin Sharqdagi vaziyatni yanada murakkablashtiruvchi omil sifatida baholamoqda. BMT va bir qator G‘arb davlatlari bu vaziyat bo‘yicha jiddiy diplomatik fikr almashuvlar olib bormoqda. “Zamin”ni Telegramʻda oʻqing!