Floridada piton ovlash boshlandi

Floridada yirik pitonlarga qarshi an’anaviy ov mavsumi – Florida Python Challenge 2025 boshlandi, deb USA Today xabar berdi.

Ov 11-iyul soat 00:00 dan boshlangan bo‘lib, 20-iyulgacha davom etadi. AQSh fuqarolari bu davr mobaynida asosan birman pitonlarini ovlaydi.

Pitonlar Floridaning ekotizimiga katta zarar yetkazmoqda – ular qushlar, sutemizuvchilar va mayda sudralib yuruvchilarni yo‘q qilmoqda.

“Florida Python Challenge 2025” doirasida bir nechta nominatsiyalar bo‘yicha tanlovlar ham o‘tkaziladi. Asosiy mukofot – 10 ming dollar (taxminan 125 mln so‘m).

O‘tgan yili amerikalik ovchilar 1100 dan ortiq pitonni ovlashga muvaffaq bo‘lishgan.

“Okhotniki.ru” portali ma’lumotlariga ko‘ra, pitonlar soni ularni ovlash tezligidan ancha tez o‘smoqda. “Zamin”ni Telegramʻda oʻqing!