Rossiyada yoshlar orasida armiyaga chaqiruvga norozilik ortmoqda

Rossiyalik yoshlar orasida armiyaga chaqirilishga nisbatan salbiy munosabat kuchaymoqda, deb URA.ru xabar berdi. "Novaya Gazeta Evropa" tomonidan o‘tkazilgan so‘rov natijalariga ko‘ra, 18–29 yoshdagi rus yoshlari orasida 47% harbiy xizmatni xohlamasligini bildirgan.

So‘rov ishtirokchilari asosiy sabab sifatida Rossiya armiyasida xizmat qilish hayot uchun xavfli ekanini va bu qaror ularning shaxsiy rejalari bilan to‘qnash kelishini ta’kidlaganlar.

So‘rovga binoan, chaqiruvdan qochish, chet elga chiqib ketish yoki safarbarlikdan boshqa yo‘llar bilan qochishga urinish holatlari ham oshib borayotgani qayd etilgan.

Mutaxassislar bu kayfiyatni Ukrainadagi urush, axborot bosimi va xavfsizlikka bo‘lgan ishonchsizlik bilan bog‘lamoqda.

“Zamin”ni Telegramʻda oʻqing!