Rossiyada ayol ayiq hujumidan omon qoldi

Rossiyaning Xabarovsk o‘lkasida ayiq hujumiga uchragan 36 yoshli ayol omon qoldi, deb xabar berdi Tengrinews.kz.

Aytilishicha, u o‘rmon bo‘ylab yurgan vaqtida qora ayiq unga hujum qilgan. Ayol o‘zini himoya qilishga uringan, lekin og‘ir jarohatlar olgan. Qochib yo‘ldagi avtomobil haydovchisidan yordam so‘ragan va tez yordam chaqirilgan.

Shifokorlarning aytishicha, uning elkasi va qo‘li qattiq jarohatlangan, biroq hayotiga xavf yo‘q. Ayni paytda ayol shifoxonada, ahvoli barqaror.

Ekspertlarga ko‘ra, ayiq himoya instinkti bilan harakat qilgan bo‘lishi mumkin. Hodisa yuzasidan tekshiruv davom etmoqda.

“Zamin”ni Telegramʻda oʻqing!