Qirg‘izistonda Pik Pobeda’da yo‘qolgan ikki eronlik alpinistni qidirish ishlari to‘xtatildi, deb News.ru xabar berdi. Respublika FVV ma’lumotiga ko‘ra, qidiruv hududida ob-havo sharoiti juda og‘ir.
Barcha qidiruv ishlari to‘xtatilgan, bu yil ular qayta tiklanishi noma’lum.
Eronlik alpinistlar Maryam Pilehvari va Hasan Seyfollah avgust boshida Pik Pobeda cho‘qqisiga chiqish uchun kelgan edi. Ular oxirgi marta qariyb ikki hafta oldin aloqaga chiqqan. Taxminlarga ko‘ra, ular halok bo‘lgan bo‘lishi mumkin.
Avvalroq rossiyalik alpinist Natalya Nagovitsyna 12 avgust kuni Pik Pobeda’da oyog‘i sinib qolgan edi. Uning qutqaruv operatsiyasi muvaffaqiyatli yakunlandi.
Shuningdek, uni ikki marta qutqarishga harakat qilgan italiyalik alpinist vafot etdi. U 6,8 ming metr balandlikda o‘zini yomon his qilgan. Shifokorlar bilan radiobog‘lanishda unda miya shishi alomatlari aniqlangan, biroq uni qutqarib qolishning imkoni bo‘lmagan.
“Zamin”ni Telegramʻda oʻqing!
