1 sentabrdan Latviyaga elektron deklarasiyasiz kirish mumkin bo‘lmaydi, deb Kursiv xabar berdi.
2025-yil 1-sentabrdan boshlab Latviya safarlari uchun uchinchi davlat fuqarolari uchun yangi qoidalar kuchga kiradi. Milliy viza yoki yashash guvohnomasiga ega bo‘lmagan o‘zbekistonliklar eta.gov.lv saytida oldindan elektron deklaratsiya to‘ldirishi shart bo‘ladi.
Anketa kamida 48 soat oldin yuborilishi kerak. Tasdiq xati elektron pochta orqali yuboriladi va chegaradan o‘tishda taqdim etiladi.
Qoidalar kimlarga tegishli
Yangi tartib aksariyat xorijiy fuqarolarga taalluqli. Faqat YeI, NATO, YeOII, OECD, Shveytsariya va Braziliya fuqarolari bundan mustasno — ularga deklaratsiya shart emas.
Talabga rioya qilmaslik oqibatlari
Latviyaga kirishga ruxsat berilmasligi mumkin.
Shuningdek, 2000 yevrogacha (taxminan 27 mln so‘m) jarima solinishi mumkin.
Kelajakdagi safarlarga cheklovlar qo‘yilishi mumkin.
Qanday to‘ldiriladi
eta.gov.lv saytiga kiriladi
Elektron deklaratsiya to‘ldiriladi
Tasdiq xati e-mail orqali olinadi va chegarada ko‘rsatiladi
