Rossiyalik mashhur bokschi Dmitriy Bivolning sobiq turmush o‘rtog‘i Yekaterina Bivol sportchi hayotidagi shaxsiy jihatlar haqida ochiq bayonot berdi. Uning aytishicha, nikoh buzilishiga asosiy sabab Bivolning xiyonatlari bo‘lgan.
«Dmitriy ikki marta xiyonat qilganini bilaman. U mashhur bo‘lib, omma e’tiboriga tushgach, bunday holatlar ko‘paydi. Bu esa meni qattiq ranjitdi. Men uchun xiyonat kechirib bo‘lmas holat edi. Bir-ikki yil qiynaldik, vaziyat og‘ir kechdi va oxir-oqibat ajrashishga qaror qildik», — dedi Yekaterina «Pust govoryat» dasturi efirida.
Ma’lumot uchun, juftlikning munosabatlari 2023-yilda rasman yakunlangan edi.
Shuni ta’kidlash joizki, Dmitriy Bivol sport olamida ulkan obro‘ qozongan va ko‘plab muxlislarga ega bo‘lgan bokschi hisoblanadi. Biroq shaxsiy hayotidagi bunday oshkora voqealar jamoatchilik orasida katta muhokamalarga sabab bo‘lmoqda.
Bu bayonot ortidan jamoatchilikda nafaqat sportchining ringdagi yutuqlari, balki uning shaxsiy hayoti ham qizg‘in bahs mavzusiga aylandi. Bivolning sobiq turmush o‘rtog‘ining ochiq bildiruvlari uning shaxsiy hayotidagi murakkabliklarini yana bir bor namoyon qildi.
“Zamin”ni Telegramʻda oʻqing!
