Rossiyada Liberal-demokratik partiya (LDPR) yetakchisi Leonid Slutsky migrantlarga ijtimoiy pensiya to‘lashni bekor qilishni taklif qildi. Bu haqda u “Gazeta.ru” portaliga bergan intervyusida ma’lum qildi, deya xabar beradi Kursiv Media.
Slutskyga ko‘ra, mamlakatda yuzaga kelgan murakkab ijtimoiy va iqtisodiy vaziyat, xususan, harbiy operatsiyalar, demografik inqiroz va byudjet bosimi fonida har bir so‘m muhim ahamiyat kasb etmoqda. “Bunday vaqtda pensiyalar faqat o‘z fuqarolarimizga berilishi lozim”, – dedi u.
Statistikaga ko‘ra, o‘tgan yili Rossiyaga 600 mingga yaqin migrant kelgan bo‘lib, bu so‘nggi 30 yildagi rekord ko‘rsatkichdir.
Agar ushbu taklif qabul qilinsa, bu Rossiya byudjeti va pensiya tizimiga tushayotgan bosimni kamaytirishi mumkin. Hozirgi qonunchilikka ko‘ra, migrantlar Rossiyada kamida 15 yil yashagan bo‘lsalar va pensiya yoshiga yetsalar, ijtimoiy pensiyaga haqlidirlar.
“Zamin”ni Telegramʻda oʻqing!
