Mashhur aktyor Jeyms Dinning aktrisa Barbara Glennga yozgan sevgi maktubi Nyu-Yorkdagi RR Auction auksionida 32,5 ming dollarga (2,6 mln rubl) xarid qilindi, deb xabar bermoqda New York Post.
Ikki sahifadan iborat maktub 1954 yilda yozilgan — ya’ni aktyor halokatli avtohalokati yuz berganidan bir yil avval. O‘sha paytda Glenn Nyu-Yorkda yashagan, Din esa Gollivudda ilk yirik loyihasi — “Sharqiy Eden” filmi suratga olinayotgan edi.
“Maktub yozmadim, chunki sevib qolganman”, — deb boshlaydi Din. U maktubida Cisco ismli otga qoyil qolganini yozadi va xatiga otning suratini ham ilova qiladi. Shuningdek, aktyor sevgilisiga “juda yolg‘izman” deya dardini ochib, uni qanchalik sog‘inayotganini ta’kidlaydi.
Barbara Glenn bilan Din 1950 yillar boshida umumiy tanishlari — aktyor Martin Landau orqali tanishgan edi. Ular ikki yil davomida uchrashib yurgan, biroq Din Kaliforniyaga ko‘chib ketgach, munosabatlari yakunlangan. Keyinchalik Glenn aktyor Mark Gordonga turmushga chiqdi va ularning Keyt ismli o‘g‘li tug‘ildi.
“Zamin”ni Telegramʻda oʻqing!
