AQShlik ayol Linn Uayt sudda o‘zini mustaqil himoya qilib, ChatGPT va Perplexity yordamida ishni yutdi, deb yozmoqda NBC News nashri.
Linn Los-Anjelesda treyler-parkdagi uyini ijaraga olib yashagan, ammo to‘lovni kechiktirib yuborgan. Mahalliy qonunlarga ko‘ra, ijara to‘lovini 12 oygacha kechiktirish mumkin edi, biroq uni himoya qilgan advokat ishni yutqazgan.
Shundan so‘ng, Linn apellyatsiya berishga qaror qilib, ChatGPT’dan yordam so‘radi. U barcha sud hujjatlarini chat-botga yuklab, ishda protsessual xatolarni topishga muvaffaq bo‘ldi. Keyin Perplexity Pro orqali kerakli qonunlarni o‘rganib chiqdi va o‘z himoyasini kuchaytirdi.
Natijada sud Linn foydasiga qaror chiqardi — uni uyidan chiqarish haqidagi ogohlantirish bekor qilindi, u 55 ming dollarlik jarimadan hamda 18 ming dollarlik ijara qarzidan xalos bo‘ldi.
Eng asosiysi, Linn advokatlarga ketadigan 73 ming dollardan ortiq xarajatni tejab qoldi.
Mutaxassislar esa shunday deydi:
“Adolatni ta’minlayotgan hali ham odamlar, sun’iy intellekt emas.”
“Zamin”ni Telegramʻda oʻqing!
